‘कस्तो मूला र’छ ।’
**
मूलाबारीतिर फर्किएर
एक हरफ गाली गर्यो
र भन्यो, ‘म स्थानीय सरकार प्रमुख हुँ ।’
**
ऊ भन्दा अघि
आफ्नै विवेक र श्रमले बनेका
अनुहारहरु लहरै उभिएका थिए ।
**
गणितका शिक्षक
सिपालु कृषक
अनुभवी पशुपालक
डकर्मी
सिकर्मी
ज्यामी .....
**
आफ्नो अघिल्तिर
गुनासोका चाङ
अलपत्र योजनाका फाइल
र पल्टाउन बिर्सिएको पुरानो ढड्डा राखेर
ढसमस्स बसिरहेको थियो
कार्यालय प्रमुख
अर्थात् वडाध्यक्ष
**
र, त्यहाँ
सबैभन्दा अगाडि थियो
आफ्नो निजी डोजरको
शुरु गरिहाल्नुपर्ने – कार्ययोजना ।