२८ असोज - १० कार्तिक २०७५ | 14-27 October 2018
पुरानो
Share:
- विप्लव ढकाल
- विप्लव ढकाल
पुरानो बन्दूकबाट
निस्किएका विचारहरू पुराना छन् !
पुरानो बाँसुरीबाट
जन्मिएका आवाजहरू पुराना छन् !
पुरानो कलमबाट
लेखिएका कविताहरू पुराना छन् !
पुरानो रगतबाट
कोरिएका सिमानाहरू पुराना छन् !
नयाँ के छ हँ यो दुनियाँमा ?
म खोजिरहेछु निरन्तर...
तर मेरा खोजीहरू
सबै–सबै पुराना छन् !
नयाँ बाटो भेटें कि भनेको थिएँ
बाटाहरू पनि पुराना छन् !
पुरानो कोटभित्र पुरानो शरीर !
पुरानो शरीरभित्र पुरानो मस्तिष्क !
पुरानो मस्तिष्कभित्र पुरानै विचार !
पुरानै देखिन्छन् सपनाहरू पनि !
उफ् !
म मात्र अब
कसरी नयाँ हुन सक्छु ?
रमझम
