यस वर्षको मदन पुरस्कार युवा आख्यानकार अमर न्यौपाने र जगदम्बाश्री पुरस्कार इतिहासको क्षेत्रमा कार्यरत संशोधन मण्डलले पाउने भएका छन्। मदन पुरस्कार गुठीले हरेक वर्ष प्रदान गर्दै आएका यी पुरस्कारमध्ये मदन पुरस्कार सेतो धरती उपन्यास र जगदम्बाश्री ६ दशकभन्दा बढी समयदेखि नेपाली इतिहास, संस्कृत, गणित, व्याकरण र साहित्यको फाँटमा प्रामाणिक अनुसन्धान गरिरहेको मण्डललाई दिने निर्णय गरेको हो। दुवै पुरस्कारको राशी २–२ लाख रुपैयाँ छ। मदन पुरस्कार कृतिका लागि र जगदम्बाश्री अनुसन्धानमा केन्द्रित कृति, व्यक्ति वा संस्थालाई प्रदान गरिन्छ। मदन पुरस्कार जनरल मदनशम्शेरकी रानी जगदम्बाले २०१२ सालमा स्थापना गरेकी हुन् भने जगदम्बाश्री गुठीले रानीकै नाममा २०४५ सालमा स्थापना गरेको हो।