इमेज च्यानल प्रा.लि.को आयोजनामा हुने २० विधाको यो अवार्डमा आनन्द राईको संगीत, महाराज थापाको संगीत संयोजन र श्यामश्वेत रसाइलीको गीत मुद्रण रहेको सबैलाई जित्ने बोलको गीत यी तीनवटै विधामा उत्कृष्ट ठहरियो। पप गायनतर्फ पुरुषमा उदेश श्रेष्ठ र महिलामा मिलन अमात्य सर्वोत्कृष्ट भए। वर्षको सर्वोत्कृष्ट अल्बमतर्फ जुनी जुनी २ का लागि सञ्जीवनी र नीलम आङबुहाङ राई विजयी भए। नवकलाकार विधाको अवार्ड गायक सन्तोष गुरुङले पाए।