देशविदेशका नाट्यकर्मी एउटै थलोमा प्रस्तुत भइरहेका बेला काठमाडौं अन्तर्राष्ट्रिय कला महोत्सवले अनेक बान्की पस्किरहेको छ।  

 

कला महोत्सवमा प्रदर्शित सृजना।

काठमाडौंमा अहिले नाटक मात्र हैन, अन्तर्राष्ट्रिय कला महोत्सव पनि भइरहेको छ। १० मंसीरदेखि ६ पुससम्म चल्ने दोस्रो काठमाडौं अन्तर्राष्ट्रिय कला महोत्सवमा ३० नेपालीसहित ३१ मुलुकका ९५ पेन्टर सहभागी छन्। अर्थ, बडी, माइन्ड शीर्षकको यो कला महोत्सव सिद्धार्थ आर्ट फाउन्डेसनले आयोजना गरेको हो। प्रकृति, वातावरण र मानव सम्बन्धलाई कलाबाट बुझ्ाउनु महोत्सवको उद्देश्य रहेको आयोजक संस्थाकी प्रमुख एवं महोत्सव संयोजक संगीता थापा बताउँछिन्। थापा भन्छिन्, “कलाबाट अन्तर्राष्टिय सम्बन्ध विस्तार गर्नु महोत्सवको उद्देश्य हो।”