तस्वीरः अनुपप्रकाश

नवलपरासी, गैंडाकोटकी मेनुका प्रधान अहिले नेपाली रङ्गमञ्च र फिल्म क्षेत्रमा आशालाग्दो नाम भएको छ। एक दिन एक रात, भीसा गर्ल, सुनगाभा र भिजिलान्ते लगायतका फिल्महरूमा अभिनय गरेकी मेनुकाले मलामी, काफ्का एक अध्याय, पुलबाट हेर्दा, कन्फ्रेन्स अफ वर्थ, एञ्जल अफ द अमेरिका लगायतका आधा दर्जन नाटकमा अभिनय गरिसकेकी छन्। एक्टर्स स्टुडियोकी प्रशिक्षार्थी उनले यसबीचमा म्युजिक भिडियो, टेलिफिल्म र रेडियो नाटकहरूमा पनि काम गरिन्। पाँच मिनेटकै भूमिका भए पनि चरित्रमाथिको न्यायमा उनी सधैं गम्भीर रहन्छिन्, मिहिनेत गर्छिन्।