सर्वोच्चसहित देशभरका अदालतमा कोरोना सङ्क्रमणको जोखिम रहेको भन्दै वकिलहरुले सुनुवाइ स्थगित गर्न माग गरेपछि पूर्ण इजलासको बैठक बसेको थियो । यसअघि नेपाल बार एशोसिएसन र सर्वोच्च अदालत बार एशोसिएसनले पनि पत्र लेखेर प्रधानन्यायाधीश राणालाई सुनुवाइ तत्काल स्थगित गर्न माग गरेका थिए ।
प्रदेश–२ सभा नामराख्न असफल
प्रदेश २ सभा प्रदेशको नाम राख्न असफल भएको छ । प्रदेश सभाको ४ चैतको बैठकले नामकरण गर्ने सम्बन्धी चारवटै प्रस्ताव अस्वीकृत गरेको छ । उक्त बैठकले राजधानी तोक्ने सम्बन्धी प्रस्ताव पनि अस्वीकृत गरेको छ ।
मतदानमा सत्तारुढ नेकपाले प्रस्ताव गरेको जानकी नामका पक्षमा ३७ मत खसेको थियो । नाम र राजधानी प्रदेश सभाको दुई तिहाइ मतले पारित गर्नुपर्छ । १०७ सदस्यीय प्रदेश सभामा नाम र राजधानी तोक्न ७२ मत आवश्यक हुन्छ । नेपाली कांग्रेसले प्रस्ताव गरेको मिथिला–भोजपुरा नामको पक्षमा २८ मत परेको थियो । नेपाली कांग्रेसकै सांसद् राजेश्वरप्रसाद साहले प्रस्ताव गरेको मध्य मधेशको पक्षमा ४२ मत परेको थियो । राजपा र समाजवादी दलको संयुक्त प्रस्ताव मधेशको पक्षमा ६० मत परेको थियो ।
यसैगरी जनकपुरलाई स्थायी राजधानी तोक्न समाजवादी पार्टी, राजपा, नेकपा र नेपाली कांग्रेसको संयुक्त प्रस्ताव समेत अस्वीकृत भएको छ । प्रमुख चार दलको प्रस्तावका पक्षमा ५२ मत परेको थियो ।
उपत्यकामा सुपथ मूल्य पसल
गएको ६ चैतको सरकारको नियमित पत्रकार सम्मेलनमा बोल्दै उद्योग वाणिज्य तथा आपूर्ति मन्त्री लेखराज भट्टले आपूर्ति सहज भएको सन्देश दिन सुपथ मूल्य पसल सञ्चालन गर्न लागिएको बताए ।
बलात्कारीलाई सात वर्षपछि फाँसी
दोषीलाई फाँसी दिइएपछि पीडित निर्भयाका अभिभावकले छोरीले न्याय पाएको प्रतिक्रिया दिएका छन् । घटनामा ६ जनाको संलग्नताको आशंका गरिएको थियो । तीमध्ये एक जना अभियुक्तले हिरासतमै आत्महत्या गरेका थिए भने अर्का नाबालिगलाई तीन वर्ष सुधारगृहमा राखेर रिहा गरिएको छ ।
भारतका पूर्व प्रधानन्यायाधीश गोगोई राज्यसभामा
गोगोई ३ अक्टोबर २०१८ देखि १७ नोभेम्बर २०१९ सम्म भारतको ४६औं प्रधानन्यायाधीश थिए । राज्यसभामा गोगोईको शपथ ग्रहण शुरु भएपछि विपक्षी दलका सदस्य भने हलबाट बाहिरिएका थिए ।
संघीय संसद् बैठक स्थगित
संघीय संसद्का दुवै सदनको बैठक स्थगित भएका छन् । संसद् सचिवालयले ७ चैतमा सूचना टाँसेर राष्ट्रिय सभाको बैठक स्थगित गरेको थियो । राष्ट्रिय सभाका सचिव राजेन्द्र फुँयालले अर्को सूचना जारी नभएसम्मका लागि बैठक स्थगित भएको जानकारी दिए । ६ चैतमा बसेको बैठकले ७ चैतका लागि बैठक तोकेको थियो । प्रतिनिधिसभाको अर्को बैठक भने १३ चैतसम्मका लागि स्थागित गरिसकिएको छ ।