ललितपुरको यलमाया केन्द्रले २४ साउनदेखि २१ दिनसम्म चौबीसै घण्टा बाँसुरी बजाइने 'अखण्ड साधना' शुरु गरेको छ। नेपालको सांगीतिक इतिहासमै यस्तो कार्यक्रम पहिलो भएको बताउँदै कार्यक्रमका संयोजक वरिष्ठ बाँसुरीवादक जीवन आलेले शास्त्रीय संगीत र बाँसुरीवादनको विकास गर्न यो कार्यक्रम आयोजना गरिएको बताए।
यलमाया केन्द्रले नेपाली संगीत विकासको निमित्त सात वर्षदेखि प्रत्येक महीनाको २ गते साँझ ५ बजे शास्त्रीय संगीतको कार्यक्रम 'यलमाया क्लासिक' गर्दै आएको छ। विदेशी कलाकारहरुले समेत आफ्नो कला प्रस्तुत गरेको यो कार्यक्रममा युवाहरुको उल्लेखनीय उपस्थिति रहने गरेको छ।