यो देशभरिका २५० सामुदायिक रेडियोको हकहितका लागि स्थापित संस्था हो । यसको सञ्जाल ७४ जिल्लामा छ । धेरै सामुदायिक रेडियो स्थापना हुनुपर्छ भन्ने अकोराबको अभियान सफल पनि भएको छ ।
सामुदायिक रेडियोले समाजमा कस्तो योगदान दिएको छ भन्ने लाग्छ ?
सामुदायिक रेडियोले गाउँका समस्या उठाएको छ । महिला हिंसा, ग्रामीण स्वास्थ्य, सिंचाइ, खेतीपाती, सुशासन, वातावरण र आयआर्जनमा यसको जोड छ । स्थानीय तहसम्मै पुगेर सार्वजनिक सुनुवाइ गर्ने हाम्रो अभियानले जवाफदेहिता र पारदर्शिता बढाएको छ ।
**सामुदायिक रेडियोले प्रसारण गर्ने सामग्री व्यावसायिक रेडियोको भन्दा फरक छैन भनिन्छ नि ? **
सामुदायिक रेडियोको सामाजिक जिम्मेवारी बढी हुन्छ । जस्तो, अकोराबको सदस्य हुने रेडियोले कम्तीमा ६० प्रतिशत स्थानीय कार्यक्रम उत्पादन गर्नै पर्दछ । केही सामुदायिक रेडियोमा समस्या हुन सक्छ । त्यसलाई सुधार्न अकोराबले पहल गर्नेछ ।
सामुदायिक रेडियो सञ्चालकहरू कुनै न कुनै दल सम्बद्ध छन् । खासगरी चुनावका वेला यस्ता रेडियोहरु आफू निकट दलको पक्षमा लाग्दैनन् भन्ने आधार के छ ?
लोकतान्त्रिक देशमा सञ्चालकहरूले व्यक्तिगत रुपमा दलीय आस्था राख्नु स्वाभाविक हो । तर रेडियोबाट प्रसारण हुने सामग्रीमा दलगत प्रभाव देखिनुहुँदैन । सामुदायिक रेडियोकर्मीहरूको आफ्नै सञ्चालन आचारसंहिता छ । चुनावको वेला निर्वाचन आयोगले जारी गरेको आचारसंहिता सबैले पालना गर्नै पर्दछ ।
आफ्नो कार्यकालमा के गर्ने योजना बनाउनुभएको छ ?
सामुदायिक रेडियोका लागि दक्षिणएशियाकै नमूना देश भएर पनि सरकारले यसलाई पहिचान दिएको छैन । पहिचान स्थापित गर्दै गुणस्तरमा ध्यान दिनेछौं । प्रसारित सामग्रीको आधारमा रेडियोको वर्गीकरण गर्ने योजना बनाएका छौं ।