ललितपुरको व्यापारिक केन्द्र मानिने कुमारीपाटीमा पाँच वर्षअघि खुलेको चपष्टिक्स चाइनिज र कन्टिनेन्टल खानाको लागि भरपर्दो गन्तव्य बनेको छ । लिभ, लभ, इट नाराका साथ सञ्चालित यो रेस्टुरेन्ट मुख्य सडकको पहिलो तल्लामा रहे पनि शान्त छ ।
विविध चिनियाँ परिकार रोजेर खान पाइने चपष्टिक्समा गोल्डेन फ्राइड प्राउन, क्रिस्पी मसरुम, ड्रागन चिकन, पर्क क्युबदेखि बफ र मसरुमसम्मका भेराइटी र परिकार छन् । यहाँ भेज र नन–भेज दुवै किसिमका पारखीको दिलखुश हुन्छ । चिकन, पर्क, मटन, बफ र फिसका साथ पाइने नेपाली खानाले पनि उत्तिकै मन जितेको छ– चपष्टिक्सले ।
एक पटकमा ८० जना अटाउने यो रेस्टुरेन्टमा ननस्मोकरहरूका लागि अलग जोन छ । संचालकद्वय सनी श्रेष्ठ र सन्देश गोपाल न्याछौं आफ्नो रेस्टुरेन्ट अफिस मीटिङ, बर्थ डे, अन्य पार्टी र जमघटहरूका लागि पनि उपयुक्त भएको बताउँछन् ।
क्रिस्पी मसरुम रु.१९५
गोल्डेन फ्राइड प्राउन रु.४५०
बफ फिलेट विथ मसरुम रु.२२५
पर्क, चिकन मःम रु.१७५–१९०
ड्रागन चिकन रु.२७५
पर्क क्युब रु.२७५
सम्पर्क फोन ०१–५५५१११८ www.chopstix.com.np