नेपाली संगीतकर्मीको लागि महत्वपूर्ण मानिने इमेज अवार्डको १४औं संस्करण २० असोजमा हुँदैछ। वर्षभरि रेकर्ड भएर १ असार २०६८–६९ जेठ मसान्तभित्र सार्वजनिक भएका नेपाली सर्जकका गीत, अल्बम र म्यूजिक भिडियोहरू अवार्डको प्रतिस्पर्धामा छन्। २० विधाको यो अवार्डको लागि निर्णायक मण्डलबाट प्राप्त मत र एसएमएस भोटिङको आधारमा विजेता घोषणा गरिने छ। यो अवार्डमा यस वर्षदेखि सर्वोत्कृष्ट लोकगीत र सर्वोत्कृष्ट दोहोरी विधालाई पनि समावेश गरिएको आयोजकले जनाएको छ। यो वर्षको इमेज लाइफटाइम एचिभमेन्ट अवार्ड का लागि वरिष्ठ निर्देशक एवं गीतकार यादव खरेल छानिएका छन्।