एनटीभीप्लसमा तीन वर्ष फिल्मी कार्यक्रम एक्सनकट् चलाएकी सम्पदा अहिले म्युजिक भिडियोमा बिकाउ अनुहार हुन्। हालसम्म उनले चार दर्जन म्युजिक भिडियोमा मोडलिङ/नृत्य गरेकी छन्। सुरुआती समयमा लोकदोहोरीका म्युजिक भिडियोहरूमा छाएकी उनी अहिले आधुनिक र पप गीतका भिडियोमा काम गरिरहेकी छन्। सम्पदा भन्छिन्, “लोकदोहोरीमा यति खेलें कि त्यसैको ट्याग नलागोस् भनेर आधुनिकतिर लागेकी हुँ, यता पनि व्यस्तता बढेको छ।”