यताउता जताततै दङ्गा छ, फसाद छ
हिमालले आवाद देश यो, हिंसाले बर्बाद छ ।
गम्भीर यक्ष प्रश्न छ मेरो, प्रिय जनता जवाफ दिनुस्
मर्ने नेपाली मार्ने नेपाली, फेरि कसको जिन्दावाद छ ?
हिमालले आवाद देश यो, हिंसाले बर्बाद छ ।
खान गोली, हान्न गोली, लाशसँगै छितरेका गोली
गोली–गोली–गोली–गोली, जताततै आजभोलि
साउनको वर्षा झैं गोली, गोलीका लागि पनि गोली
शान्तिको पनि रित्तियो झेली, क्रान्तिको पनि च्यात्तियो सोली
गोली हान्न गठन छ टोली, खेलिरहेका रगतको होली
गोली हान्नु भयो ठट्यौली, जस्तै उनको हक पुख्र्यौली
गम्भीर यक्ष प्रश्न छ मेरो, प्रिय जनता जवाफ दिनुस्
मर्ने नेपाली मार्ने नेपाली, फेरि कसको जिन्दावाद छ ?
हिमालले आवाद देश यो, हिंसाले बर्बाद छ ।
सत्तावादले यहाँ सबैलाई, लाग्यो सत्ता स्वाद छ
बुद्ध, सीताको जन्मथलोमा, यो कस्तो आर्तनाद छ
भष्मासुर हामी स्वयं भयौं किन, कसको आशीर्वाद छ
गम्भीर यक्ष प्रश्न छ मेरो, प्रिय जनता जवाफ दिनुस्
मर्ने नेपाली मार्ने नेपाली, फेरि कसको जिन्दावाद छ ?
हिमालले आवाद देश यो, हिंसाले बर्बाद छ ।
लक्ष्मण नेवटिया