१२ वैशाखबाट राजधानीमा जारी इन्डिजिनियस फिल्म अर्काइभ (आईएफए) को सातौं नेपाल अन्तर्राष्ट्रिय आदिवासी फिल्म महोत्सव आज सकिंदैछ। 'सञ्चारमा आदिवासीको समान पहुँच र सहभागिता'नाराका साथ राष्ट्रिय सभागृह र नेपाल पर्यटन बोर्डमा आयोजित यो महोत्सवका लागि १८ देशका ५० फिल्म छानिएका थिए।

नेपालका धिमाल, गुरुङ, चेपाङ, मगर, राई, लिम्बू, नेवार र थारु जातिका २३ वृत्तचित्र, फिचर फिल्म र म्युजिक भिडियो प्रदर्शन हुँदैछ। फिल्मसँगै नेपालका आदिवासी समुदायको खानपान पनि महोत्सवको विशेषता बन्यो। आयोजक संस्थाका अध्यक्ष नवीन सुब्बाले यो महोत्सव आदिवासी संस्कृति संरक्षण गर्ने औजार भएको बताए।