उनीहरूको गीत–संगीतमा मुगुको भाषा, संस्कृति र रीतिरिवाज भेटिने नै भयो। ६ वर्षअघि टालासिया (मुगाली भाषामा शुभकामना) नामको अल्बम निकालेर मुगाली समुदायलाई फराकिलो बनाएका छोर्तेनले साङ्गीतिक यात्रामा पनि जीवनसँगिनी सोनामलाई नै जोडी बनाएका छन्। यो जोडीले टालासिया पछि केसी फोयुल (मातृभूमि) र मुगुम (स्थानीयता बुझाउने मुगुको नाम) गीति अल्बम निकालेका छन्। मुगुको भाषा–संस्कृतिका ठेट गीतहरू गाएकाले धेरैले रुचाएको अनुभव छोर्तेन सुनाउँछन्।
छोर्तेन–सोनामको जोडी हिजोआज कहिले कर्णाली, कहिले काठमाडौं त कहिले विदेशमा प्रस्तुति दिइरहेका हुन्छ। कर्णालीमा ठूलो पर्यटक समूह आउने भएपछि यही जोडीलाई बोलाइन्छ। श्रीमती लिएर नयाँ–नयाँ ठाउँमा घुम्न पाएकोमा उनी खुशी छन्।
ऋषिराम कट्टेल