प्रधानमन्त्री ‘डिस्चार्ज’
अघिल्लो मङ्गलवार प्रधानमन्त्री ओलीको एपेन्डिसाइटिसको अप्रेसन गरिएको थियो । चिकित्सकका अनुसार अप्रेसन गरेको घाउ बाहिर निको भए पनि भित्र निको हुन केही समय लाग्नेछ । चिकित्सकहरूले प्रम ओलीलाई धेरै हिंडडुल र उठबस नगर्न सल्लाह दिएका छन् ।
प्रधानमन्त्रीका निजी चिकित्सक डा. दिव्यासिंह शाहका अनुसार शल्यक्रियाको घाउ निको हुने क्रममा छ । नियमित औषधि सेवन र केही दिन धपेडी कम गर्नासाथ ओली नियमित कार्यमा फर्कन सक्ने डा. शाहको भनाइ छ ।
विस्तार हुँदै फाइबर नेटवर्क
समझदारीमा टेलिकमका प्रबन्ध निर्देशक डिल्लीराम अधिकारी र दूरसञ्चार प्राधिकरणका अध्यक्ष पुरुषोत्तम खनालले हस्ताक्षर गरेका छन् । सम्झौता अनुसार टेलिकमले दुई वर्षभित्र करीब २५०० किलोमिटर अप्टिकल फाइबर बिछ्याउनुपर्नेछ ।
रु.३ अर्ब लागतको अप्टिकल फाइबर बिछ्याउने यस परियोजनाले रुकुमको मुसिकोटदेखि बैतडीको झुलाघाटसम्मका २० वटा जिल्लामा फाइबर नेटवर्क विस्तार गर्नेछ ।
कुलमानलाई प्रविधि पुरस्कार
नेपाल विज्ञान तथा प्रविधि प्रज्ञा प्रतिष्ठान (नाष्ट) ले देशलाई लाडसेडिङ मुक्त गराउन योगदान पुर्याएको भन्दै एकलाख रुपैयाँ राशिको सो पुरस्कार घिसिङलाई प्रदान गरेको हो । शिक्षा तथा विज्ञान प्रविधि मन्त्री एवं नाष्टका सहकुलपति गिरिराजमणि पोखरेलले नाष्टको ३७औं वार्षिकोत्सवको अवसरमा २० मंसीर ललितपुरमा आयोजित कार्यक्रममा घिसिङलाई पुरस्कार प्रदान गरेका हुन् ।
निजगढमा रुख नकाट्न सर्वोच्चको अन्तरिम आदेश
द्वारिकानाथ ढुङ्गेल, कृष्णप्रसाद भण्डारी, तारा सापकोटा लगायतका ९ जनाले १६ मंसीरमा निजगढ अन्तर्राष्ट्रिय विमानस्थल निर्माणका क्रममा ठूलो संख्यामा रुख कटान हुन लागेको भन्दै सर्वोच्चमा रीट दर्ता गरेका थिए ।
उक्त रीटको सुनुवाइ गर्दै न्यायाधीश मोक्तानको इजलासले यसबारे छलफल गर्न दुवै पक्षलाई २९ मंसीरमा बोलाएको छ ।
रेडक्रसको कार्यकारी प्रमुखमा चापागाई
१९० मुलुकमा कार्यरत रेडक्रसको यो सबैभन्दा माथिल्लो निकाय हो । यो तहमा अहिलेसम्म कुनै पनि नेपाली पुगेका थिएनन् ।
रमझम
