भारतीय राजदूत पुरीको कार्यकाल सकिंदै
पूर्व राजदूत रञ्जित रेको कार्यकाल सकिएपछि भारत सरकारले २०७३ चैतमा पुरीलाई नेपालका लागि नयाँ राजदूत नियुक्त गरेको थियो । उनले आफ्नो कार्यकालमा नेपाल–भारत सम्बन्धमा सन्तुलित भूमिका खेलेका थिए । खासगरी भारतीय नाकाबन्दी पछि बिग्रेको दुईपक्षीय सम्बन्ध सुधार गरी दुई देशबीच उच्चस्तरको भ्रमण गराउन सफल उनले कुशल कूटनीतिज्ञको छाप छाडेका छन् । राजदूत पुरीको कार्यकालमा भारतीय प्रधानमन्त्री नरेन्द्र मोदीले दुई पटक नेपाल भ्रमण गरे भने राष्ट्रपति भण्डारीले एक पटक र प्रधानमन्त्री ओलीले दुई पटक भारत भ्रमण गरे ।
भारतले नेपालसँगका कुनै पनि परियोजनाको फलोअप गर्ने परिपाटी नरहेकोमा त्यसलाई पुरीले नै तोडेको पूर्व परराष्ट्र सचिव मदन भट्टराईको मूल्यांकन छ । उनले नेपालमा जिम्मेवारी सम्हालेपछि परियोजनाबारे हरेक महीनाको एक पटक संयुक्त बैठक बोलाउन थाले । सरल व्यक्तित्वका पुरीको क्षमता पहिचान गरेर फाइदा लिनबाट नेपाल सरकार चुकेको भट्टराई बताउँछन् । नेपालका लागि पूर्ववर्ती भारतीय राजदूतहरूको तुलनामा शालीन र नरम मिजासका पुरी २०७५ चैतमा पूर्वराजा ज्ञानेन्द्र शाहसँगको भेटको विषयले भने विवादमा तानिएका थिए । जनकपुर पुगेका वेला एउटै होटलमा बास पर्दा कतिपयले दुई बीच भेट भएको भनी अथ्र्याउँछन् भने केहीको भनाइमा संयोग मात्र थियो ।
सन् १९८२ मा भारतीय परराष्ट्र सेवामा प्रवेश गरेका पुरी २००९ देखि २०१३ सम्म संयुक्त राष्ट्रसंघका लागि राजदूत बनेका थिए । २०७३ माघमा बेल्जियममा राजदूतको कार्यकाल सकिएपछि उनी नेपालका लागि सिफारिश भएका हुन् ।
महासंघमा ढकालको उम्मेदवारी
पूर्व सचिव श्रेष्ठको निधन
समाजवादी पार्टीले सरकार छोड्यो
१२२ चिनियाँ पक्राउ
सामाजिक सञ्जाल ‘वीच्याट’ प्रयोग गरी उनीहरूले ठगी गर्ने गरेको जानकारी ९ पुसमा आयोजित पत्रकार सम्मेलन मार्फत प्रहरीले दिएको छ । प्रहरीले उनीहरूबाट ७४६ वटा मोबाइल फोन, ३३१ वटा ल्यापटप र ३२७ वटा सिमकार्ड समेत बरामद गरेको छ ।
रमझम
